Það er ýmislegt sem komið hefur á óvart í heimi viðskipta og eitt af því er heiðarleiki og siðfræði. Í langflestum (ef ekki öllum) starfsgreinum eru mikið lagt upp úr siðferðislegri skildu. Flest ef ekki öll fagfélög hafa skráðar siðareglur. Þar sem ég kem úr heimi heilbrigðiskerfisins skiptir jafn miklu máli fagleg vinnubrögð og góð siðfræði. Þar er keppst við að gera allt hið besta fyrir viðskiptavinin (sjúklinginn) og góð samvinna milli starfsgreina skiptir mjög miklu máli. Á þessu ári mínu í kaupmennsku hef ég kynnst allskonar vinnubrögðum. Sem betur fer eru mörg fyrirtæki sem koma fram af miklum heiðarleika og hafa sterka réttlætiskennd. En svo eru önnur þar sem heiðarleiki skiptir engu máli. Þetta eru fyrirtæki sem fela sig á bakvið settninguna „Þetta eru bara viðskipti“. Þar skiptir öllu máli að hafa sem mesta peninga upp úr krafsinu. Hvernig farið er að því skiptir engu máli. Þetta eru viðskiptahættir sem Snúðar og Snældur munu aldrei taka þátt í. Fyrir okkur snýst þetta ekki „bara um viðskipti“. Þetta snýst líka um að gera það sem er rétt (fyrir alla aðila). Það verður gaman að sjá eftir nokkur ár hvað verður um þessi fyrirtæki sem hafa ekkert concept og enga hugsjón (aðra en að græða peninga). Mín trú er sú að með því að vera heiðarlegur og frumlegur gangi manni vel í viðskiptum. Núna er ný stofnað félag verslunar og þjónustu á Selfossi og skora ég á það að setja sínar eigin siðareglur til að vekja félagsmenn til umhugsunar um siðferðilegar og faglegar skyldur við dagleg störf ásamt því að vera til stuðnings og aðhalds. Tel ég að slíkar reglur gætu styrkt samstarf milli fyrirtækja og bætt þjónustu við viðskiptavini.

Bestu kveðjur, Lovísa

Kærar þakkir fyrir FRÁBÆRAR móttökur. Það var ótrúlega skemmtilegt að koma norður og hitta Akureyringa og viðbrögðin voru framar öllum vonum. Við heyrðum frá öðrum hverjum setningar eins og „þið verðið að opna búð hérna, þetta er einmitt það sem vantar”. Þannig að það er aldrei að vita hvað við gerum. En þar sem Kári minn vill alltaf athuga allt mjög vel áður en farið er af stað þá er ennþá verið að reikna dæmið til enda. Við fengum einnig mikil viðbrögð frá öðrum verslunareigendum á Akureyri bæði í formi tölvupósts, símhringinga og heimsókna á litla básinn okkar. Það var alveg ótrúlega að finna það að kaupmenn á Akureyri væru hræddir við litlu búðina okkar í iðnaðarhverfinu á Selfossi. Þá voru þetta meira setningar eins og „við vorum hér í bænum á undan ykkur”. Ég tek því sem miklu hrósi og lít svo á að við séum að gera eitthvað rétt. En svo eru það enn aðrir sem fagna samkeppni og hafa mikla trú á að hún efli enn frekar viðskipti. Því þá mun fólk frekar versla í heimabyggð ef það hefur um fleira að velja, fari síður til Reykjavíkur til að versla. Þetta fann ég greinilega í Snúðum & Snældum þegar ný barnafatabúð opnaði hér á Selfossi. Þá jókst sala á barnafatnaði um 30%. Þannig það er greinilegt að samkeppni er af hinu góða.

Bestu kveðjur, Lovísa

Það eru ýmsar forsendur fyrir því að fólk opnar verslanir. Við Kári fórum út í verslunarrekstur af einskærum áhuga, vildum prófa eitthvað nýtt. Vorum bæði í annari vinnu og vorum vissum að við gætum ekki framfleytt okkur á þessu áhugamáli okkar. Eitt af markmiðum Snúða og Snældna var að vera öðruvísi. Við vildum að búðin hefði sérstöðu bæði á suðurlandi og einnig á landinu öllu. Okkur datt aldrei í hug að selja sömu vörur og aðrar verslanir á Selfossi, vissum að það væri ekki gott fyrir neinn. Þess vegna fluttum við allar okkar vörur inn sjálf að undanskyldum einum heildsala hér heima. En sá heildsali hafði ekkert verið að selja á Selfossi og þess vegna fannst okkur það í lagi. En greinileg eru ekki allir í verslunarrekstri á sömu forsendum og við, því undanfarið hafa tvær nýjar verslanir á Selfossi og fjöldi netverslanna verið að ganga á eftir sömu merkjum og heildsölum og við höfum verið að skipta við. Það er ekki gott fyrir neinn og ég hefði frekar haldið að verslanir þyrftu að skapa sér sérstöðu frekar enn að apa eftir öðrum. Höfum við þurft að eyða miklum tíma í að útskýra fyrir byrgjum hversu markaðurinn á Selfossi sé rosalega smár að hér búi einungis ca. 6000 manns og að það gangi aldrei að hafa sömu vörurnar í tveim verslunum. Sem betur fer hefur verið fullur skilningur á því hingað til og verður vonandi áfram. 

Kærar kveðjur, Lovísa

Það hefur gengið misjafnlega að fá leyfi til að selja hinar ýmsu vörur. Hjá sumum framleiðendum er þetta auðvitað ekkert mál og daglega berast til okkar hin ýmsu tilboð frá heildsölum eða framleiðendum sem vilja að við seljum vörur þeirra í Snúðum & Snældum. Aðrir eru tregir til samstarfs og höfum við verið að ganga á eftir sumum merkjum í tíu mánuðu. Þetta hefur gengið svo langt hjá sumum og við höfum þurft að senda þeim æviágrip, myndir af búðinni, börnunum ásamt öllum helstu upplýsingum og starfsemi, markmið og fleira. Á fimmtudaginn síðasta var ég heima með veikt barn. Var búin að ganga með barnið um gólf allan daginn án þess að geta tekið til eða farið úr náttfötunum. Þá var dyrabjöllunni hringt og fyrir utan dyrnar hjá mér stendur útlenskur maður með ferðatösku. Hann segist vera frá dönskum hágæða framleiðanda (get því miður ekki sagt frá hverjum) og kominn til að skoða búðina og okkur til að meta hæfni okkar til samstarfs. Sem betur fer átti ég afgang af afmælistertu í frystinum sem gladdi þann danska og allt fór vel að lokum.

Kv. Lovísa

Núna er jólaösin búin (því miður). Þetta var ótrúlega skemmtilegur tími og mikið að gera.  Allir svo kátir og glaðir sem komu og mikið verslað. Mjög margir komu úr Reykjavík sérstaklega til að gera jólainnkaupin í Snúðum og Snældum. Mjög margir úr Árbæ, Breiðholti og Grafarholtinu. Fólk sagðist vera jafnlengi að keyra á Selfoss og að sitja fast í bílaröð og bíða eftir stæði á leið í Kringluna. Oft á tíðum var mjög skemmtileg fjölskyldustemming. Konur að gefa brjóst á efri hæðinni (áður en þær lögðu aftur af stað yfir heiðina), bleiuskipti og börn í versluninna að tæta í litríku hlutunum. Meira að segja klemmukonan (úr fyrri pistli) kom aftur, sérstklega til að kaupa fjóra poka af klemmunum „jú þetta eru svo frábærar klemmur“ sagði hún og roðnaði.

Vil ég bara þakka ykkur öllum fyrir frábært ár og takk fyrir yndislegar móttökur á nýrri verslun. 

Lovísa

1. Það gengur enginn verlunarrekstur á Selfossi því það keyra allir til Reykjavíkur til að versla. Þetta er auðvitað hið mesta bull og vitleysa. Það er svo mikið af fólki sem kýs að versla í sinni heimabyggð og er svo fegið að þurfa ekki að keyra til Reykjavíkur. Einnig kemur mjög mikið af fólki af höfuðborgarsvæðinu til að versla á Selfossi.
   
   
2. Location, location, location. Það eina sem skiptir máli er staðsetningin. Snúðar og Snældur afsanna þessa staðhæfingu. Því við eru með afleita staðsetningu en það er alltaf fullt af fólki sem kemur til okkar. Það sem skiptir meira máli er varan sem maður er að selja, því ef maður er með góða vöru þá kemur fólk. Auðvitað er fullt af fóki mjög pirrað og fúlt þegar það kemur til okkar því það var mikið búið að hafa fyrir því að finna búðina. En svo þegar það er búið að skoða í smá tíma er það svo glatt og ánægt yfir því að hafa lagt þessa ferð á sig.
   
   
3. Það koma dagar sem enginn kemur. Ekki láta ykkur bregða. Notið heldur tímann til að þurka af! Er enn þá að bíða eftir þessum degi. Hann hefur ekki komið og kemur vonandi aldrei.
   
   
4. Miklu betra að selja fáa dýra hluti en marga ódýra. Passið þið að hafa álagninguna nógu mikla. Ég held að þetta sé rangt. Okkur hefur reynst vel að hafa álagninguna nógu litla. Með því er mikil hreyfing á vörum í búðinni og fólk kemur aftur og aftur til okkar, því það er alltaf eitthvað nýtt að skoða.
   
   
5. Þið verðið að taka inn svarta hluti því það er svo inn í dag. ALDREI! Kemur ekki til greina. Við höfum það mottó að taka engar svartar vörur. Okkar kúnnum líkar það mjög vel. Það er miklu skemmtilegra að hafa innréttingar og málningu í ljósum litum og svo litríkar húsbúnaðarvörur til að poppa umhverfið upp.